Kata kepercayaen kalak Kristen (Pengakuan Iman Rasuli dalam Bahasa Pakpak

            Aku percaya bai Debata Jahowa, i ngo Bapa pergegoh siso tercodi situmempa langit bak tanoh.

Mike Lapatna ?

            Bageen ngo :Iperketuhu atengku ngo lot Debata simenempa sagumanna si lot. Itempa ngo dagingku merpendidah, merpedengkoh, merpengakap, merpengerasaen, iberre ukur mi tendingku janah ipeheduhedu ngo karina soh bagendari, tambahna i berreken ngo bangku perolessen dekket pangaen gennep ari dekket nasa merguna bangku janah ilegenni ngo aku tupung mara; karinana i oda ngo kemulihken mende perangenku nai barang sinitenggo rejekingku, pellin maseh ateNa sambing ngo i dekket basaNa simende i makinken iberreken; kernana i patut kupepoji-poji ia janah kuuei sinidokkenna bahasa lolo atengku midahsa. Imo situhu-tuhuna.

            Aku percaya bai Jesus Kristus, Anak Debata Jahowa Sadasada i, imo sinitubuhken si Maria simerkinibeak i Tendi Perbadia nai sinderrang tertatakken rambu-rambu deng. I ngo Tuhanta simenahan simbernit i kerungguen si Latus; mate terpanjal ngo ia i kayu persilang, laus mi banua terruh enggo kessa itanem, balik nggeluh i ari petelluken, laus mi Sorga, lako kundul mi kamuhun Debata Jahowa, Bapanta i pergegoh siso tercodi i, i si mo ia mema balik seggen mi tanoh en menghukumi kalak singgeluh dekket simate.

Mike Lapatna ?

            Bageen ngo : Iperketuhu atengku ngo Anak Debata kalohon ngo Jesus Kristus sinitubuhken Bapana i sindhuria arnia nai janah jelma kalohon ngo ia itubuhken si Maria sindherrang tertataken rambu-rambu deng, ingo Tuhanta simengkepkep janah simengkemmenangken aku, Ipaluah ngo aku ikemagoen nai, aku sikedhendhennen, dekket i dosa nai, dekket i kemateen nai, dekket igemnggemmen sibolis i nai; oda ngo emmas barang pirak ibaing, tapi situhu-tuhuna.

            Aku percaya bai Tendi Perbadia janah lot sada Kuria Simbadia persadaen kalak Kristen Simbadia, dekket kesasaen dosa dekket kata i simendokken: Balik nggelluh seggen daging kalak sienggo mate dekket  i kenggeluhen siso nggeut salpun.

Mike Lapatna ?

            Bageen ngo : Iperketuhu atengku ngo siso terbaing aku percaya bai Jesus Kristus Tuhanku, barang mendhapetkensa kum bang iateatengku nai sambing barang gegohku sendiri, sinitenggoen Tendi Perbadia i ngo aku merkite Sukuten Keluahen i